Siggi og Sigrún Hugleiða Föstudagur 17.mars

Út er komin ný bók frá Hugarfrelsi sem ber heitið Siggi og Sigrún hugleiða en áður hafa komið út Hugarfrelsi, ásamt kennsluleiðbeiningum og Siggi og Sigrún slaka á. Þar var áhersla lögð á æfingar sem kenna börnum slökun en hér er aftur á móti hugleiðsla í aðalhlutverki.

Til að kenna og hjálpa börnum að hugleiða eru lesnar hugleiðslusögur úr bókinni. Sögurnar flytja börnin á mismunandi staði við ólíkar aðstæður í huganum. Sögunar eru mjög myndrænar og efla ímyndunarafl, sköpunargáfu og einbeitingu.

Í bókinni eru einnig greinargóðar leiðbeiningar fyrir þann sem les svo hugleiðslan verði sem áhrifaríkust.

Höfundar eru sem fyrr Hrafnhildur Sigurðardóttir og Unnur Arna Jónsdóttir.