Þegar næsta sól kemur tilnefnd til verðlauna Miðvikudagur 1.mars

Tilnefningar til Barnabókaverðlauna Reykjavíkurborgar voru tilkynntar rétt í þessu. Við erum hoppandi kát yfir því að Lína Rut fékk tilnefningu fyrir bók sína Þegar næsta sól kemur í flokki myndskreyttra barnabóka. Bókin kom út fyrir síðustu jól en Lína Rut hafði gengið með hugmyndina að henni í mörg ár.
Þegar næsta sól kemur er sjálfstæð saga í sagnaflokknum um Núa og Níu en hér lendir Nía í ævintýrum upp á eigin spýtur og þarf að læra að treysta á sjálfa sig.
Lína Rut hefur tileinkað bókina einhverfum syni sínum sem hafði í bernsku þann hátt á að segja ekki ‚á morgun‘ heldur ‚þegar næsta sól kemur.‘
Með stolti, gleði og þakklæti í hjarta óskum við Línu Rut innilega til hamingju með þessa viðurkenningu.
Lesa má nánar um tilnefningarnar hér.