Minningar frá Íslandi í vasabroti!
Hrá, ótamin, viðkvæm og ófyrirsjáanleg! Það er það sem gerir íslenska náttúru svo einstaka. Ljósmyndarinn, Rafn Sig, – hefur einbeitt sér að hrárri náttúru Íslands síðan hann var ungur strákur. Wild Iceland bækurnar sýna brot af bestu verkum hans frá síðastliðnum 30 árum. Wild Iceland – East er bók á stærð við stórt póstkort full af einstökum myndum frá hinu stórbrotna landi íss og elda.

Bókin er hluti af bókaflokki sem samanstendur af átta bókum í vasabroti. Hver og ein þeirra einblínir á brot af því besta úr tilkomumikilli náttúru í einstökum hlutum Íslands: Suðurland, Suðvesturland, Reykjavík, Vesturland, Vestfirðir, Norðurland, Austurland og hálendið.

Fallegar og eigulegar bækur með einstakri sýn af Íslandi. Tungumál aftan á bókunum eru enska, danska, þýska og franska. Kynningartexti er til af öllum bókunum á þessum fjórum tungumálum.

Á Austurlandi er að finna einstakar náttúruperlur, frá hrikalegum öræfum og stórbrotnum jökulröndum niður til breiðra stranda og spegilsléttra fjarða. Strandlengja er löng með mörgum bugðóttum fjörðum og viðkunnanlegum fiskiþorpum á stangli. Hálendið við og fyrir ofan Vatnajökul er eitt virkasta eldsumbrotasvæða landsins. Fjöllin við firðina eru litskrúðug og háir snæþaktir tindar blasi við hvarvetna. Á svæðinu eru einu náttúrulegu heimkynni hreindýra á Íslandi og stærsta skóglendi landsins.